Mwanamuziki maarufu nchini Tanzania Ramadhan Mtoro Ongala, amezikwa leo katika makaburi ya sinza, jirani kabisa na nyumbani kwake alikokuwa anaishi yeye na familia yake.
Watu wengi walifurika katika mazishi hayo, jua lilikuwa kali sana, lakini watu walivumilia hali hiyo, ambapo ilionyesha kuwa kweli Dr. Remmy Ongala alikuwa kipenzi cha watu.
Bendi mbalimbali zilipiga muziki, zikiwemo za muziki wa injili , bendi ya wasiojiweza, na kadhalika. Muungano wa Bendi za injili ulipiga wimbo ambao waliutunga na kuurekodi maalumu kumuaga Dr. Remmy Ongala.
Wimbo wake maarufu ujulikanao kama Siku ya kufa, ulipigwa wakati wakati wa kumuaga, kitu ambacho kiliwatoa machozi waombelezaji wengi.
Serikali iliwakilishwa na Waziri wa Habari na Utamaduni Dr. Emmanuel Nchimbi katika mazishi hayo.
Mwenye- ezi- Mungu Umuweke Mahala Pema Peponi Dr. Remmy Ongala.
No comments:
Post a Comment